Training Program 2025 pinunan kan Enero
An Training Program ngunyan na taon 2025 pinunan sa pag-urulay dapit sa Vision and Mission Statements asin Core Values kan Foundation. Ini ginibo kan Enero 25, kabali an mga bagong empleyado.
Pinadalan man an halipot na video dapit na talambuhay ni Dona Consuelo “Chito” Madrigal asin pinaliwanag kun papano nagpuon an Foundation sa Bikol.
Segun ki Maricon Calongui, “Sa pagpaintindi pa lang kan satuyang misyon asin bisyon, mas naghiwas an kaaraman ko. Para sako mas maray na may mga arog kaiyan na mga training lalo na sa mga arog ko na baguhan.” Si Calongui nagtatrabaho sa Human Resources Office bilang Compensation and Benefits Specialist.
“Marhay sa pagmati na ako kabilang na sa mga empleyado kan Consuelo “Chito Madrigal Foundation-Bikol. Mapapangatamanan ko ini sa paagi nin pagsunod asin dai pagbalgar kan mga polisiya na pinapautob,” dagdag pa ni Calongui.
Sa ikaduwang kabtang kan training, pinahiwas an urulay dapit sa Microfinance. Ini nin huli ta kadaklan na empleyado kan Foundation, nagtatrabaho sa Microfinance program. Kabali sa training an mga bagong Branch Manager, Community Enterprise Development Officers, asin Finance Aides.
An mga interesado na magin parte kan misyon kan Foundation, pwede magsumite kan saindang mga dokumento sa opisina kan Human Resources sa 1/F Madrigal Center for Social Entrepreneurship Building, Ateneo de Naga University Main Campus, Bagumbayan Sur, Naga City o sa mga sanga kan Microfinance program.
Si April Joy Noleal, saro sa mga nag-atendir mantang pigpapabisto an saiyang sadiri.
More stories
A Scholar’s Vision: Innovative Agriculture
← Higos asin Microfinance: Susi sa Pag-asenso A Scholar’s Vision: Innovative Agriculture Arabella Alarma learned about the Scholarship Program through social media. A daughter of farmers, she applied to become a scholar to help her parents. She...
Higos asin Microfinance: Susi sa Pag-asenso
← Pag-uswag kan Negosyo asin Proteksyon kan Pamilya; Paglaom hatod kan Microfinance A Scholar’s Vision: Innovative Agriculture → Higos asin Microfinance: Susi sa Pag-asenso Kan Pebrero 2015, nagin myembro kan Microfinance si Elizabeth Nicol kan Sitio...
Pag-uswag kan Negosyo asin Proteksyon kan Pamilya; Paglaom hatod kan Microfinance
← Negosyo asin pagtubod, sabay na nagtatalubo Higos asin Microfinance: Susi sa Pag-asenso → Pag-uswag kan Negosyo asin Proteksyon kan Pamilya: Paglaom hatod kan Microfinance Kan 2022, nagin myembro si Marilyn Tejares kan microfinance program. An saiyang enot...