“Masiram asin barato na pagkakan,” arog kayan gustong mabisto ni Jesabel Quan an saiyang karinderya. Sya sarong Microfinance member hali sa St. John the Baptist center kan Iriga branch.

Sa kantidad na Php100, naimukna ni Jesebel an saiyang sadit na barbeque-han na dating nakapuwesto sa luwas kan saindang kakanan ngunyan. Kun dati barbeque sana an saiyang produkto, nguyan manlain-lain na panira na an mababakal sa saiyang karinderya.

“Nakatabang po an Madrigal sa pandagdag puhunan kan sakuyang negosyo,” sabi ni Jesebel. Dakula an naitabang kan Microfinance sa saindang negosyo nin huli ta lain sa tabang pinansyal, natabangan man kaini an saiyang bilog na pamilya na mas mapakusog an saindang pagtubod sa Dyos asin debosyon ki Ina, Nuestra Señora de Penafrancia.

“Kada Lunes po, nagpe-prayer meeting po kami   sa center. Duman po kami nagpapamibi asin nagpapasalamat sa mga biyaya na tinatao samo, kaya mas nagkukusog an samong pagiribahan sa center asin sa samong mga pamilya.”

Dagdag pa ni Jesebel, an pagpapamibi an saro sa mga kaipuhan maadalan kan lambang saro kun mawot mag-asenso sa buhay lalo na ngunyan na mawot mag-asenso sa buhay lalo na ngunyan na nasa tahaw kita nin pandemya. “Nagpapangadyi po talaga kami. Pinapangadyi mi po na dakul  an magbakal asin magkakan para po dakul an samong kita asin mas maglago an samong negosyo.”

Segun pa saiya, igwa siyang sikretong sangkap kaya padagos na masulong an saiyang na barbeque. Pero lain dyan, nagtutubod si Jesebel na tyaga asin makusog na  pagtubod an tunay na  pundasyon para makapuon asin magpadagos nin sarong negosyo, “Sa pagpapangadyi po talaga kami nagkukua nin kusog kaya dawa igwa po kita nin pandemya, dai po nagbababa an kita kan samong negosyo,”  dagdag pa ni Jesebel.

Tinawan nyang duon na dai magpundo sa paghanap nin paagi para mas mapamaray an dawa anong negosyong lalaugon. “Sa mga gusto po na magpuon magnegosyo, dai matakot, magtyaga sana. Magpuon muna sa sadit na negosyo hasta magdakula.” sabi nya.

Sa paagi kan Training and Formation Program kan CCMF-Bikol, nagkaigwa nin mga prayer groups an mga myembro kan Microfinance. Inaalok kan CCMF-Bikol an lambang Microfinance center na magbilog nin prayer group para mas mapakusog an espiritwal na buhay kan mga myembro asin mas magin pusog an iribahan kan center.

Microfinance center na magbilog nin prayer group para mas mapakusog an espiritwal na buhay kan mga myembro asin mas magin pusog an iribahan kan center.

Kun mawot maaraman kun pano magbilog nin prayer group, mag-kontak sa 0908 820 7518 o mag-message sa facebook account kan Foundation, i-search sana an CCMF-Bikol. Nagtutukdo an Foundation kan pasunod- sunod sa pagmukna kan prayer group asin sa pagpadalagan kan prayer meeting.