Kakayahan kan mga CEDO, pinatibay

 Sa katuyuhan na mas magin matibay an Community Enterprise Development Officer o CEDO sa pag padalagan kan center meeting, ginibo an sarong training kan Pebrero 21 sa Madrigal Center Amphitheater sa laog kan Ateneo de Naga University.

Tinawan duon sa aktibidad an tamang proseso kan center meeting asin an giya para mas magdakul an mga myembro kan Microfinance program.

Susog ki Kerstine Konsulta, sarong CEDO hali sa Ocampo Branch, “ Importante talagang mas natatawanan nin ideya asin kaaraman an mga CEDO.Tanganing mas may aram man kami, nganing pagnaghapot an kliyente aram mi an isisimbag.” 

Segun man ki Baby Jane Rebatis, CEDO hali sa Iriga Branch, “mas magayon na may arog kaining training ta nagkakaigwa kaming mas mahiwas na kaaraman orog na pag abot sa paghahanap nin mga bagong clients na qualified.”

An training program saro sa prayoridad kan Consuelo “ Chito” Madrigal Microfinance, NGO.

More stories