Mga iskolar nagtiripon para sa Advent Recollection

Kan Disyembre 20, nagtiripon an mga iskolar kan Foundation para sa saindang advent recollection, na may temang “Pamibi: Susi kan Paglaom sa Pag-asenso.” An aktibidad nagpuon sa paliwanag dapit pagpamibi na tinao ni Julma Narvadez, an Chief Operating Officer kan CCMF-Bikol.

Nagkaigwa man nin paghurop-hurop asin pagheras susog sa tema. An aktibidad nagtapos sa pagpakumpisal asin Santa Misa sa panginot ni Fr. John Robert Banal.

“It was fulfilling na magin parte kan ginibong recollection para sa mga scholars kan Madrigal Foundation. Sa paaging ini, napapahiling kan Foundation na bako lang pang aspetong pisikal kita nakakatabang kundi pati na man sa pang espiritwal. Bilang baguhan man sa Foundation, nakaka-ogma man na saro ako sa nagin parte sa pagsakatuparan kan sarong very meaningful na event na ini [Scholars Recollection]. Sana sa susunod mas dakul pa an mag-attend kan mga arog kaining event,” pahayag ni April Joy Noleal, an Training and Formation Coordinator.

“An pamibi sarong way [paagi] para makaulay an Kagurangnan. Ini an pinaka easier way para mag-connect ki God na dai na kaipuhan nin WIFI o wireless fidelity, load or ibang gadgets para makaulay ta an Kagurangnan dawa nasain kita we can easily approach Him asking forgiveness, expressing our gratitude, ask guidance in making decisions and many more,” pahayag ni Salvacion Aguilar, presenteng iskolar. 

More stories