12ng sanga kan CCMM,
matrayumpong nagtiripon
Kan Disyembre 11, 2024 ginibo an pinakahuri asin pinakadakulang branch assembly sa St. John the Evangelist Metropolitan Cathedral. Nagtiripon an mga sangang Naga Central, Naga West, asin Naga East. An Misa pinanginutan kan ginagalangan na Arsobispo kan Caceres na si Muy Reb. Rex Andrew Alarcon, D.D. asin presente man an 22ng mga padi kan Arkidyosesis kan Caceres asin Dyosesis kan Libmanan.
Marurumduman na kan Nobyembre 2024 nagpuon an surunudan na tiripon kan mga sanga kan Consuelo “Chito” Madrigal Microfinance. Ini pinadagos kan Disyembre 3, 5, 6, 10 asin 11. Siring sa mga nainot na assembly, nagkaigwa nin Misa asin pagpaliwanag kan temang “Pamibi: Susi kan Paglaom sa pag-asenso.”
An tiripon kan Goa Branch ginibo sa St. John the Baptist Parish Church kan Disyembre 3. An misa pinanginutan ni Fr. Joaquin T. Camano kaiba si Fr. Wilmer Joseph Tria, an Chief Executive Officer kan Foundation, bilang conselebrante. An Pili Branch nagtiripon kan Disyembre 5 sa St. Raphael the Archangel Parish. An Misa pigpanginutan ni Fr. Tria bilang kura paroko. An pinakabagong sanga na yaon sa Albay, an Polangui Branch, nagtiripon kan Disyembre 6 sa Sts. Peter and Paul Parish Church. Si Fr. Niño Jose Tuyo an nagmisa.
An branch assembly kan Calabanga Branch na ginibo kan Disyembre 10 sa Our Lady of La Porteria Parish Church, an Banal na Santa Misa pinanginutan ni Fr. Tria.
An huring branch assembly ginibo kan Disyembre 11, imbitado sa pagtiripon sinda Atty. Avelino Sales, Jr. an CCMF-Bikol Assistant Corporate Secretary asin pag-iribang mga abogado Atty. Vito Sales, Atty. Arzy Amparo.
Presente man an University Treasurer kan Ateneo de Naga University (ADNU) na si Ronaldo Surara; ADNU Director kan Admission and Aid Office na si Evelyn Amaro; asin Crisel Dionisio kan Caceres Commission on Communications. Si Rosemarie dela Trinidad dating iskolar kan Foundation na ngunyan empleyado kan Department of Trade and Industry (DTI) an nagrepresentar ki DTI Provincial Director Jay Percival Ablan.
Branch Assembly kan mga sanga kan CCMM sa Naga. Muy Reb. Rex Andrew Alarcon, D.D. ,tahaw, kaiba an mga nagmisang padi kan Caceres asin Libmanan, asin an mga myembro kan Naga Central, Naga East asin Naga West.
More stories
Negosyo asin pagtubod, sabay na nagtatalubo
← Scholars learn more about the Bible in Lenten Recollection Negosyo asin pagtubod, sabay na nagtatalubo An pag-uswag kan negosyo asin pagrarom kan saiyang pagtubod an nagin bunga kan pagigin myembro ni Merlina Pellas sa Microfinance Program kan Foundation. Sa...
Scholars learn more about the Bible in Lenten Recollection
← CCMF-Bikol welcomes OJTs from Calabanga Community College Negosyo asin pagtubod, sabay na nagtatalubo → Scholars learn more about the Bible in Lenten Recollection On February 28, scholars from Ateneo de Naga University and Central Bicol State University of...
CCMF-Bikol welcomes OJTs from Calabanga Community College
← CCMF-Bikol shares technique on Mushroom Production to MovEd parents Scholars learn more about the Bible in Lenten Recollection → CCMF-Bikol welcomes OJTs from Calabanga Community College In a Memorandum of Agreement (MOA) with Calabanga Community College...