DTI, nagtukdo sa mga homepartners

Ginibo kan Hunyo 14, an sarong training sa paggibo nin handicraft na gibo sa ragiwdiw na pinangenotan ni Eva May Tayamora, Trade-Industry Development Analyst kan Department of Trade and Industry Camarines Sur kaiba si Irien CD. Boletic, an handicraft expert. An aktibidad ginibo sa Consuelo “Chito” Heights (CCH) sa Pacol,  Syudad nin Naga. An CCH sarong CHITO Community kan  Foundation.

Segun ki Josephine Expectacion, sarong homepartner kan CCH, magayon kun an mga produkto na gibo kan mga homepartners makakasali man sa mga trade fairs. “May saro din kitang product na maipapahiling bilang mga homepartners, ma-represent kan Housing, na ini product man ini kan Housing.”  

“Dakulang tabang an mga dugang na kaaraman  na nanudan sa training, urog na sa mga may negosyong homepartners.” Iyan man an nagin pahayag ni Mary Jane Quiambao saro man sa mga homepartners kan CCH, “Maganda, katulad namin na nagnenegosyo, marami kaming nalalaman, na nai-apply namin. Malaking importansya yan katulad ng mga nagsisimulang mag-business.”dagdag pa ni Quiambao.  

An ragiwdiw pwedeng gibuhon na placemat siring kan mga ginamit kan homepartners sa trainings asin pwede man gibuhon nin lain pang mga handicrafts na arog kan bags, baskets asin kadakol pang iba.

“Hopefully, si nanudan ninda, ma-apply ninda sa pagnenegosyo. Nakikita naman kasi yung interest saka yung eagerness nila na matuto. Kami naman sa DTI are always ready and willing to assist, lalo na yung mga start up, yung mga medyo nahihiya pa na gustong mag-negosyo,” sabi ni Tayamora.  

“Maganda yung ganitong program.  On our part,  nakakapag-share kami ng aming knowledge dun sa mga gusto na mag-business na mga beneficiaries,” dagdag pa ni Tayamora.  

Segun man ki Boletic, an saiyang pagtukdo sa mga homepartners sarong paagi tanganing makabalos sa tabang na saiya man na naresibi. “Ini din po kaya para balik tabang ko din po sa DTI. Nagparaagi man po akong training sa DTI. Kun ano man si skills kong nanudan, tig-share ko man sainda,” pagrumdom ni Boletic kan sya nagpupuon pa sana sa negosyong handicraft-making.

“Dai lang magsawa na mag-attend nin mga skills training lalo na ining mga tinao sainda kan Madrigal saka DTI kasi po ining skills training dakula po ning tabang,” dagdag pa ni Boletic.

An ginibong training katakod kan Capacity Building Program na itinutulod kan Foundation tanganing mas dakul na pamilya an magkaigwang negosyo.  Nag-iimbitar an Foundation sa mga homepartners na magbali sa masurunod na training. 

More stories