Karawat 2024, ginibo sa CCH
Pinunan kan Mayo 19 an Karawat 2024 sa Consuelo “Chito” Heights (CCH) sa panginot kan Homeowners Association (HOA) Sports Committee sa katuyuhang matukduan an mga hobenes na makiiba sa kapwa residente asin irayo sinda sa gadgets dawa sa halipot na panahon.
An mga hobenes na may edad 10 hasta 18 anyos nagralaban sa basketball asin chess. Ginibo ini sa Multi-Purpose Hall asin basketball court kan subdibisyon. Inabot duwa may kabangang bulan an karawat.
An Sports Committee pinamamayuhan ni Marvin Camu asin Rodini Bonilla. An planong magkaigwang kawarat enot na pinag-ulayan kan Disyembre 2023 sa panginot ni Sonny Cruz, saro sa mga homepartners, asin ni Sanny Mendez, an presidente kan HOA.
Nagpasalamat man si Mendez sa Sports Committee, chairmen, coaches, players asin sa mga magurang kan mga kaakian. “Dai mapadagos ining event kun mayo an supporta nindo,” sabi ni Mendez kan awarding kun sain nakakua nin trophy, certificates asin cash prize an mga nanggana.
Sa ngunyan, pinag-uurulayan kan mga opisyales kan HOA na hagadon sa General Meeting kan asosasyon na magkaigwang Sports Fest kada taon. Kun ini aprubahan, magigin regular na aktibidad an karawat sa laog kan CCH.
An CCH asin Vicente Heights Subdivision sa Pacol, Syudad nin Naga, nagtatabang sa mga pamilyang mayong sadiring harong asin daga. An mga interesado sa programa, pwedeng magkontak sa 0998 533 1409.
An mga hobenes sa CCH na kabali sa Karawat 2024.
More stories
Negosyo asin pagtubod, sabay na nagtatalubo
← Scholars learn more about the Bible in Lenten Recollection Negosyo asin pagtubod, sabay na nagtatalubo An pag-uswag kan negosyo asin pagrarom kan saiyang pagtubod an nagin bunga kan pagigin myembro ni Merlina Pellas sa Microfinance Program kan Foundation. Sa...
Scholars learn more about the Bible in Lenten Recollection
← CCMF-Bikol welcomes OJTs from Calabanga Community College Negosyo asin pagtubod, sabay na nagtatalubo → Scholars learn more about the Bible in Lenten Recollection On February 28, scholars from Ateneo de Naga University and Central Bicol State University of...
CCMF-Bikol welcomes OJTs from Calabanga Community College
← CCMF-Bikol shares technique on Mushroom Production to MovEd parents Scholars learn more about the Bible in Lenten Recollection → CCMF-Bikol welcomes OJTs from Calabanga Community College In a Memorandum of Agreement (MOA) with Calabanga Community College...