Working Student Scholarship Program, binuksan ngunyan na AY
An Working Student Scholarship program pinunan ngunyan na academic year o AY tanganing mas mapahiwas an tabang sa mga nangangaipong estudyante asin matawan sinda nin pagkakataon na magin empleyado kan Foundation mantang sinda nagkaklase. Sa presente, duwang iskolar an pwedeng akuon sa programa.
Segun ki Flordeliz SA. Cabrera, Chief of Administration asin an nagpapadalagan kan Scholarship Program, an pag-ako nin working student may katuyuhan na makataong trabaho sa iskolar sa maabot na panahon asin manudan nya an mga kakayahan na kaipuhan mantang sya estudyante pa sana.
“An purpose ta, ma-employ sya sa Accounting Office o kun sa presente may immediate needs sa Accounting, pwede sya makataong asistensya,” pahayag ni Cabrera.
Nin huli ta sa Accounting Office lalaoman na magtabang an iskolar, an aplikante dapat nagkukua nin kursong Financial Management and Accounting. Hinahagad man kan Foundation na an aplikante dapat nag-agi sa pagsirne kan Admission and Aid Office kan Ateneo de Naga Universiy.
“Grabe an sakong kaugmahan asin pasasalamat na mapili sa programa na ini ta dai lang ini makakatabang sa problemang pinansyal. Madadagdagan man an sakong kaaraman,” pahayag ni Angel Cassandra Cortezano, an enot na iskolar kan programa.
“Kun an ibang iskolar, may 140 service hours kada semestre sa irarom kan Apprenticeship Program, malaog si Cortezano sa opisina puon aga hasta alas-3 nin hapon,” dagdag ni Cabrera. “Alagad, an saiyang trabaho, bako man pang-empleyado,” paliwanag pa nya.
Puon ngunyan kabali na si Cortezano sa 53 na mga iskolar kan Foundation. Kan Agosto 3, ginibo an annual orientation kan mga iskolar na nag-aadal sa Ateneo.
Sa welcome remarks ni Cabrera, nagpagirumdom sya kan papel kan mga iskolar. “Bilang mga scholars ng Foundation, kayo ay nabibilang na sa pagpapatupad ng misyon ng Foundation (kaiba kamo sa pagpapautob kan misyon kan Foundation.) Expected kayo na mag-participate sa lahat ng mga activities ng Foundation. (Piglalaoman kamo na magbali sa gabos na mga aktibidad kan Foundation),” sabi ni Cabrera.
Sa ngunyan, igwa nin 30ng mga Atenistang iskolar. An 10, mga baguhan. An orientation kan mga iskolar na nagkaklase sa Central Bicol State University for Agriculture – Pili Campus gigibuhon ngunyan na Septyembre.
Si Julma Narvadez, Chief Operating Officer, asin si Flordeliz SA. Cabrera, Chief of Administration, kaiba an mga bago asin dating iskolar kan Foundation na nagkaklase sa Ateneo de Naga University.
More stories
Coko Café, may mga bagong kape
← Mga iskolar, presente sa lecture series dapit sa debosyon ki Ina Coko Café, may bagong kape PRICES OF NEW COFFEE PRODUCTS (2) You can make an impact. BE A MADRIGAL SCHOLAR Nin huli sa sarong coffee-making workshop, may mga dugang na kape asin frappe an...
Mga iskolar, presente sa lecture series dapit sa debosyon ki Ina
← Apprenticeship program, pinahiwas Coko Café, may mga bagong kape → Mga iskolar, presente sa lecture series dapit sa debosyon ki Ina An mga iskolar kaibahan si Dr. Maddie Yakal, tahaw, an speaker sa lecture dapit sa “religious iconography.” You can make an...
Apprenticeship program, pinahiwas
← Microfinance, nasa Albay na Mga iskolar, presente sa lecture series dapit sa debosyon ki Ina → Apprenticeship program, pinahiwas An mga iskolar na nagkaklase sa Central Bicol State University (CBSUA) Pili Campus pakatapos kan orientation, You can make an...