Validation Phase kan Search for Most Improved Enterprise, nagpuon na
Makalihis basahon an lampas 200 na entry forms asin hilingon an rekord kan mga nag-entry nakapili na nin 57ng myembro kan Microfinance Program para sa enot na grupong nakapasar sa initial screening kan Search for Most Improved Enterprise.
An validation na nagpuon kan Marso 14 an sunod na kabtang sa pagpili kan mga manggagana. Enot na binisita an harong asin negosyo kan 5ng myembro sa Caramoan Branch.
Sa Category 1: Rebecca Corporal, asin Sarah Jean Ongoda. Sa Catgory 2: Myrna Cruel, Elma Hufancia asin Nena Icaonapo. An Category 1, para sa mga myembrong kabali sa laog nin 1 hanggan 3ng taon.
An Catergory 2, para sa myembro 5ng taon pataas. Panduwang binisita an mga myembro sa Goa Branch na gabos kabali sa Category 2: Lilia Sopeña, Teodora Salvador, asin Teresita Valencia. Sa Ocampo Branch, duwa an binisita na pareho kabali sa Category 2: Medalla Sadang asin Merlina Pellas.
Sa ikatulong aldaw, mga myembro kan Naga West an binisita. Sinda mga taga-Minalabac asin kabali sa Category 2: Corazon Roquino, Arlen Roquino asin Ma. Luisa Adan.
Mantang sinusurat an baretang ini, an validators yaon sa Ocampo asin Pili. An mga bibisitahon mga kabali sa Category 2: Maricris Paz, Yolly Talaguit, Ma. Elena Dela Rama, Catalina Miña, Raymundo Cristy, Wenilyn Orasa asin Arlando Sergio. An validation ginigibo sa pakikipagtabangan sa Department of Trade and Industry Camarines Sur asin Ateneo de Naga University College of Business and Accountancy.
Sa primerong apat na aldaw, kabali sa validators an mga Business Consultants kan DTI: Engr. Jasper Candelaria, Caramoan; Rhea De Alday, Goa; Angela Tosoc, Tigaon asin Lorenzo Reyes, Naga City.
An resulta kan validation ipapaisi pagkatapos mabisita an gabos na nagpasar sa initial screening. Lauman ini sa bulan nin Abril.
Untitled design (2) (1)
More stories
9 Senior High Students complete work immersion at CCMF-Bikol
← Dugang na kapital, tulay sa kabuhayan 9 Senior High Students complete work immersion at CCMF-Bikol On April 11, a short program was held to give recognition to 9 Senior High Students from Ateneo de Naga University who completed their work immersion at...
Dugang na kapital, tulay sa kabuhayan
← Coko Café, suportado an “No Plastic Policy” 9 Senior High Students complete work immersion at CCMF-Bikol → Dugang na kapital, tulay sa kabuhayan Nagpundo alagad ngunyan nagpadagos sa negosyo, ini an istorya ni Jocelyn Notado, myembro kan Microfinance, na...
Coko Café, suportado an “No Plastic Policy”
← Scholars’ Lenten Recollection: Pangapudan sa Tamang Pagpili Dugang na kapital, tulay sa kabuhayan → Coko Café, suportado an “No Plastic Policy” Si Mylene Zape, an Restaurant Cashier mantang ipigtatao an paper bag laog an order kan sarong customer....