Parish Integration Activity, ginibo sa CCH

“Tayo ang Simbahan, kaya dapat tayo ang nagtutulungan. May apat na bagay tayong kailangan at dapat tandaan para makabuo ng isang Simbahan.  Yun ay ang worship, education, service at fellowship. (We are the Church, that’s why we ought to help each other. There are four things we need and ought to remember to build a Church. Those are worship, education, service and fellowship),” paliwanag ni Fr. Arnold Sanico, SDB, an kura paroko kan Our Lady of Mount Carmel sa mga homepartners kan Consuelo “Chito” Heights.  Kabali sa nasasakupan kan parokyaan duwang subdibisyon kan Housing Program sa Barangay Pacol, an Consuelo Heights asin Vicente Heights.

Kan Mayo16, ginibo an Parish Integration Activity na may katuyuhang ipasabot sa mga homepartners na bilang mga parokyano, sinda may katungdan na magpartisipar sa parokya. Presente an 14ng homepartners kaiba an mga empleyado kan Housing Program na si Luzeil Laure, Program Manager, asin Mary Ann Llaneta, Community Organizer.

Sa paagi kan aktibidad, inimbitaran ni Fr. Sanico an mga homepartners na padagos maggibo nin mga espiritwal na aktibidad sa laog kan CCH. Hinagad man nya an saindang aktibong partisipasyon sa mga programa kan parokya. Apat na barangay an sakop kan parokya – Pacol, Carolina, Panicuason, Syudad nin Naga asin Barangay Siba-o kan Calabanga, kataid na banwaan kan Naga. 

Nag-aasa man si Llaneta na lugod maipadagos an mga ginigibo na aktibidad sa komunidad, “para mas lalo pa na mapararom an pagtubod sa Dyos urog na kan mga kaakian.” 

More stories