Apprenticeship program: dalan sa paglingkod banwaan
You can make an impact.
“Sa Agrikultura, may kwarta,” iyan an nanudan ni Bernard Competente, sarung dating iskolar kan CCMF-Bikol na sa presente iyo na an program staff kan Madrigal Integrated Farming and Training Program (MIFTP). Nagtapos si Bernard sa kursong Agricultural Technology kan 2021.
Segun ki Bernard, dakulang tabang saiya an Apprenticeship na katakod kan pagigin iskolar. Sa paagi kani, mas nagrarom an saiyang kaaraman dapit sa Agrikultura na dara nya ngunyan sa trabaho. “Dakul akong nanudan. Kaipuhan may time management ta may mga target na aldaw sa pagtanom hanggan sa pag-ani. Good management ta dapat makisama ka sa mga kairiba sa Farm ta kun nagtatrabaho sinda sa balad dapat nagtatabang ka man,” sabi ni Bernard.
Dagdag pa nya, dakula man an impluwensya kan programa sa pagpili nya nin trabaho, “Nagin giya ko an Apprenticeship na mahiling an gayon kan Agrikultura asin kun pàno tinutulod kan Foundation na mas magdakul pa an arog ko na mawot na magtalubo an kaaraman dapit sa Agrikultura.”
Ugma man si Bernard na sa paagi kan MIFTP, nakakatabang sya sa banwaan, “tabang an Programa sa mga dai nakatapos alagad igwang aram sa Agrikultura ta natawan sindang oportunidad na maihiras an kaaraman asin magkatrabaho.” Dugang pa nya, sa pagtanom nin mga organikong gulay, sarong paagi na ini nin paglingkod sa banwaan.
Bilang program staff, sya an nagtataong giya sa mga presenteng iskolar. “Kan inot, kabado ako ta dati kairiba ko lang sinda sa apprenticeship, ngunyan saro na ako sa nagmamangno sainda. Dakula an adjustment. Kaya naisip ko dapat magin professional ta dapat magin dalan ako tanganing mas padangaton ninda an Agrikultura, ” dagdag pa nya.
“Sana dakul pang hobenes an makahiling kan gayon kan Agrikultura ta dakul kitang daga, kaipuhan tang gamiton yan huli ta dakul digding oportunidad. Sa paagi man kani, makakatabang kita sa iba. Madali magkita, tiyaga sana,” pag-agyat ni Bernard sa mga kapwa hobenes.
Kada taon nag-aako an Foundation nin 10ng bagong iskolar na maklase nin kursong Agrikultura sa Central Bicol State University of Agriculture-Pili, asin 10 na maklase nin Entrepreneurship asin Religous and Values Education sa Ateneo de Naga University.
More stories
Working Student Scholarship Program, binuksan ngunyan na AY
← Mga plano hasta sa 2026, hinaman Working Student Scholarship Program, binuksan ngunyan na AY An Working Student Scholarship program pinunan ngunyan na academic year o AY tanganing mas mapahiwas an tabang sa mga nangangaipong estudyante asin matawan sinda nin...
Mga plano hasta sa 2026, hinaman
← DTI, nagtukdo sa mga homepartners Working Student Scholarship Program, binuksan ngunyan na AY → Mga plano hasta sa 2026, hinaman Pinag-urulayan an plano kan gabos na opisina kan Foundation kan Hulyo 12 asin 13 sa Donsol, Sorsogon. Kabali an 22 na mga...
DTI, nagtukdo sa mga homepartners
← Karawat 2024, ginibo sa CCH Mga plano hasta sa 2026, hinaman → DTI, nagtukdo sa mga homepartners Ginibo kan Hunyo 14, an sarong training sa paggibo nin handicraft na gibo sa ragiwdiw na pinangenotan ni Eva May Tayamora, Trade-Industry Development Analyst...