Alumni Homecoming, inaandam na
Kan Disyembre 28, 2024 ginibo an huring Alumni Homecoming kan mga iskolar na pinangenotan kan mga alumni hali sa Ateneo de Naga University (ADNU). Ngunyan na taon liwat na matiripon an mga dating iskolar na pinangenotan kan mga iskolar na nagtapos sa CentraL Bicol State University for Agriculture (CBSUA) – Pili Campus.
Segun ki Patrick Ibarreta, “ nakakaugmang isipon na magkakaigwang arog kaining event. Lalo na ta haloy na panahon na naman na dai kami nagkakatiripon, asin man matawan man oportunidad na mabisto an mga alumni na iskolar. Simpleng okasyon man sana an pigpaplano nyamong gibuhon ngunyan. Alagad an preparasyon sa aktibidad na ini makakatabang para sa gabos asin man maarabot pang panahon.
Si Ibaretta, nagtapos nin kursong Bachelor of Science in Agriculture Major in Horticulture asin ngunyan empleyado na kan Foundation bilang Administrative Staff kan Madrigal Integrated Farming and Training Program.
Katakod kan preparasyon, nagkakaigwa nin meeting an core group kan Nobyembre 15.
An gabos na alumni kan CCMF-Bikol iniimbitaran na magatendir sa maabot na Disyembre 27, mapuon an aktibidad alas otso nin pagkaaga sa paagi kan banal na Misa na gigibuhon sa Amphitheater asin isusunod man an halipot na programa sa Coko Cafe.
Sinda Jisel Caceres, Venus De Guzman, Aira Mae Araojo asin Ibaretta an mga myembro kan core group. Nagaalok sinda nin mga dugang na myembro na matabang sa pag-andam kan tiripon.
Si Araojo, empleyado man kan Microfinance bilang Finance Aide.
(Wala-Tuo). Si Regina Manressa Reguria, Training and Formation Coordinator; kaiba an core group na sinda Patrick Ibarreta, Batch 2025; Venus De Guzman, Batch 2025; Jesil Caceres, Batch 2021 asin si Flordeliz Cabrera, Chief of Administration sa ginibong meeting asin planning para sa Alumni Homecoming na ginibo sa Coko Cafe.
More stories
A Scholar’s Vision: Innovative Agriculture
← Higos asin Microfinance: Susi sa Pag-asenso A Scholar’s Vision: Innovative Agriculture Arabella Alarma learned about the Scholarship Program through social media. A daughter of farmers, she applied to become a scholar to help her parents. She...
Higos asin Microfinance: Susi sa Pag-asenso
← Pag-uswag kan Negosyo asin Proteksyon kan Pamilya; Paglaom hatod kan Microfinance A Scholar’s Vision: Innovative Agriculture → Higos asin Microfinance: Susi sa Pag-asenso Kan Pebrero 2015, nagin myembro kan Microfinance si Elizabeth Nicol kan Sitio...
Pag-uswag kan Negosyo asin Proteksyon kan Pamilya; Paglaom hatod kan Microfinance
← Negosyo asin pagtubod, sabay na nagtatalubo Higos asin Microfinance: Susi sa Pag-asenso → Pag-uswag kan Negosyo asin Proteksyon kan Pamilya: Paglaom hatod kan Microfinance Kan 2022, nagin myembro si Marilyn Tejares kan microfinance program. An saiyang enot...