Sa Microfinance, padagos an

pag-asenso

Saro si Marilyn Del Castillo sa mga myembro kan Microfinance Program puon kan 2016. Sya taga-Alianza, San Fernando, Camarines Sur na nasasakupan kan Naga West Branch. Pakalihis nin tulong taon, an saiyang aki may sadit naman na negosyo.

Nagpuon si Del Castillo sa pag-buy and sell nin uring, nyog asin batag. Ngunyan, nakakapabakal naman sya kan mga ataman na hayop arog kan urig, kanding asin manok. Singko Mil Pesos an inot nyang loan, asin nin huli ta maray syang magnegosyo, Treynta Mil na ang saiyang pwedeng sublion na pandagdag kapital.

“Dakula pong tabang an loan ko sa Madrigal. Nakakua na po akong kanyugan. Nakakaeskwela na po an mga aki ko,” istorya ni Del Castillo.

An saro may bangang ektaryang kanyugan, sinangra saiya. Ini saiyang kinokoprahan asin tinatanuman nin mga gulayon, na dagdag man sa saiyang mga paninda. Harayo na an inabot ni Del Castillo na dati nakikitanom sana.

Saro man sa kaugmahan nya bilang ina, an saiyang aki nagpuon naman nin sadit na negosyo – an pagluto asin pagtinda nin pastillas. “Ginigibo man po kang aki ko iyang pastillas tapos binibenta nya sa eskwelahan. Nagibo po siya digdi (sa harong) tapos pigpapapre-order nya na ngarig aram na kun pira an saiyang gigibuhon,” dagdag pa ni Del Castillo.

Kataning kan saindang harong an saro pa sa mga bunga kan pagnegosyo ni Del Castillo. Sya nagpapagibo nin konkretong tindahan, patunay kan saiyang padagos na higos asin dedikasyon sa pagnenegosyo.

More stories