Karaw Crafventures Training, hatod an dugang na kabuhayan

Kan Disyembre 11, nagpadagos an workshop sa pagtahi na binalihan kan homepartners sa Consuelo “Chito” Heights sa panginot kan Karaw Craftventures. Marurumduman na kan October 19, ginibo an orientation sa pamamayo ni Paul Andrew Orpiada na may sadiri kan kumpanya. Si Orpiada dating iskolar kan Foundation.

Ginibo an aktibidad sa harong ni Reinalyn Catacutan. Segun ki Catacutan, nanibago sya nin huli ta tuod sya na mga darakulang klase nin produkto arog kan mga bado an saiyang mga pigtatahi, “medyo mas naninibago ako ta mas saradit.” Pangiturugan ni Catacutan na sa maabot na panahon, lugod an saiyang mga pag-iriba sa workshop magpadagos pa sa saindang hilig sa pagtahi. “Sa future, sana kami na lang maggiribo [kan mga produkto para sa Karaw Craftvenutres] nin pan-extra income, dagdag kabuhayan habang nag-iiriistambay minsan sa luwas.”

“Salamat ta naka-share sinda [trainers] samo nin knowledge na dai man usually pigtatahi. Arog samong paratahi bako mi man perming gibo yan [pagtahi nin saradit na munyika]. First time ngani po, kaya pasalamat man kami na nakaabot sinda samo,” dagdag pa ni Catacutan. “

Taratao na man sinda magtarahi kaya dai na man sinda difficult [masakit] tukduan tsaka kua man ninda tulos kun ano an pigtutukdo mi sainda,” pahayag ni Anna Francia Dialogo an Operations Head kan kumpanya. Katuyuhan kan kumpanya na makatao nin dugang na kaaraman sa pagtatahi asin dagdag na kabuhayan.

Sa ngunyan, nagpupuon na man na maghatod nin mga materyales sa mga homepartners ngani na maghaman nin mga produkto kan Karaw Craftventures na nababakal sa laog asin luwas kan probinsya.  

More stories