Katakod kan selebrasyon kan ika-sanggatos na taon kan pagkorona sa imahe nin Nuestra Señora de Peñafrancia, nagkaigwa nin lecture series asin exhibition na pinanginotan kan Arkidyosesis kan Caceres.

Kan Setyembre 6 an enot na aldaw kan lecture series na ginibo sa Holy Rosary Minor Seminary Auditorium sa Syudad nin Naga. Presente an mga iskolar sa lecture na may titulong “On Bikols’ Popular Religiosity: An Optic for Mission.” Si Fr. Andrew Recepcion na gikan sa Pontifical Gregorian University kan Rome, Italy, an nagtaram dapit sa bagay na ini.

Segun ki Charry Belches, iskolar kan Foundation, maugmang nakabali sya sa aktibidad. “Sobrang saya at nagpapasalamat. Makakatulong na mas maging interesado kami sa mga bagay-bagay, na tiyak kong makakatulong sa aming sariling pag-unlad upang magkaroon ng mas malalim na pang-unawa. (Maogma asin nagpapasalamat. Makakatabang na mas magin interesado kami sa mga bagay-bagay, na siguradong makakatabang sa samuyang sadiring pagtalubo tanganing magkaigwa nin mas hararom na pagkasabot).”

Kan Setyembre 7 ginibo an ika-apat na lecture na may titulong “On the Religious Iconography of the Virgin of Peñafrancia” na pigtukar ni Dr. Maddie Yakal hali sa University kan Los Angeles, California. An aktibidad ginibo sa 5F Alingal Multi-Purpose Hall, Ateneo de Naga University.

Para ki Gemuel Balona, saro man na iskolar na nagkaklase sa Ateneo de Naga University, nagin makahulugan para sa saiya an ginibong lecture, “Masaya at puno ng pagpapasalamat dahil bihira lang ang isang katulad namin na mapabilang sa ganoong pagpupulong kasama ang isa sa mga sikat na archeologist at researcher na nagbibigay ng tama at totoong impormasyon na dumaan sa malalim pag susuri. (Maogma asin pano nin pasasalamat nin huli ta bihira an arog mi na makaiba sa mga siring na pagtiripon kaiba an mga bistadong archeologist asin researcher na nagtatao nin tama asin totoo na impormasyon na nag-agi sa hararom na pag-aadal.)”