Recruitment Activity, pinahiwas

Kan bulan nin Mayo, mas pinahiwas kan Human Resource Office (HRO) an paghanap nin mga dugang asin maninigong empleyado.  Ini parte kan pagbukas kan Microfinance Program nin duwang bagong sanga sa Polangui asin Ligao, sa probinsya nin Albay.

Katakod kaini, nagbali an CCMF-Bikol sa mga job fair sa iba-ibang lugar. Kan Mayo 14, an job fair ginibo sa Iriga City Hall sa panginot kan Public Employment Service Office kan Syudad nin Iriga. Kan Mayo 17, ginibo man an Job Careers Fair sa Partido State University Main campus sa Goa, Camarines Sur. Nagsunod an University of Nueva Caceres Job Fair sa Syudad kan Naga kan Mayo 23. Asin kan Mayo 24 ginibo an Job Fair sa Legazpi City sa panginot kan Polangui Community College sa pakikipagtabangan sa PESO Polangui.

Saro si Louis Christian Soriano sa mga nagin aplikante kan Job Fair sa Robinsons Naga kan Marso 2024. Ngunyan, sya na an Site Engineer kan CCMF-Bikol. Nagin pasil para saiya an proseso kan pag-apply nin trabaho. “Smooth naman yung process, that day kasi may prior na nilalakad lang ako nun tapos nakita ko may job fair. Nung nagkwento na ako sa mga kamag-anak ko doon lang ako nagka-background [sa CCMF] kasi yung mga barkada nung pinsan ko iskolar daw pala ng CCMF,” istorya ni Soriano.

More stories