“Pag binenta mo ang boto mo, yan ang halaga ng konsensya mo. Pag tumanggap ka ng 500, 500 lang ang halaga ng konsensya mo, nakakahiya. Pag tumanggap ka ng sampung libo, ang konsensya mo sampung libo lang. Samantalang sa hiling ng Diyos, ang konsensya natin dai yan mababakal. Labanan ang sadiri. Isikwal ini ta gawi ini kan dyablo. Pag nagtugot kita, nagigin instrumento kita kan maraot na gawi.” Ini an pangapodan kan gibagalangan na Arsobispo kan Caceres, Most Rev. Rolando Octavus J. Tria Tirona, OCD., DD. sa saiyang homiliya sa ika-10 asin huring branch assembly kan Microfinance Program kan Dis. 14 sa St. Francis of Assisi Parish Church, Naga City. (pls mention the concelebrants). An mga myembro hali sa mga barangay kan syudad nin Naga asin Naga City People’s Market.

Pagkatapos kan Misa, nagkaigwa nin halipot na programa. Digdi ipinaliwanag ni Fr. Wilmer Tria an temang Bagong Buhay Bagong Banwaan, katakod kan kamawotan kan Foundation na an mga myembro kan Microfinance magin marigmat asin madunong sa pagpili nin mga mamamayo sa nasyon. Sinabi man ni Fr. Tria na nungka magpapauto sa mga kandidatong nang-aapi sa mga pobre.

An surunudan na tiripon kan mga sanga kan Microfinance Program sarong patunay kan pagkakasararo kan Foundation asin kan gabos na myembro, sa tahaw kan pandemya.